...

Bakıda insan alveri ilə mübarizə üzrə beynəlxalq seminar keciriləcək

Siyasət Materials 2 Aprel 2019 11:25 (UTC +04:00)
3-4 aprel 2019-ci il tarixlərində "Cinayət istintaq orqanlarının insan alveri ilə mübarizə sahəsində rolu" mövzusunda beynəlxalq seminar keçiriləcək.
Bakıda insan alveri ilə mübarizə üzrə beynəlxalq seminar keciriləcək

Trend-i buradan izləyin

Bakı. Samir Əli - Trend:

“Azərbaycanda insan alverinə qarşı mübarizə üzrə milli potensialın artırılması” (ENCT) layihəsi çərçivəsində Beynəlxalq Miqrasiya Təşkilatının Azərbaycandakı Nümayəndəliyi və Ədliyyə Akademiyasının birgə təşkilatçılığı ilə 3-4 aprel 2019-ci il tarixlərində "Cinayət istintaq orqanlarının insan alveri ilə mübarizə sahəsində rolu" mövzusunda beynəlxalq seminar keçiriləcək.

Ədliyyə Nazirliyinin mətbuat xdmətindən Trend-ə verilən məlumata görə, tədbirin keçirilməsində əsas məqsəd Azərbaycan hökümətinin insan alverinə qarşı mübarizəsinin və insan alveri qurbanlarının müdafiəsinin daha effektiv aparılması üzrə potensialın, habelə layihəyə cəlb olunacaq hakimlərin, vəkillərin və digər təlimçilərin insan alveri ilə mubarizə sahəsində bilik və bacarıqlarının artırılmasından ibarətdir.

Seminarda bir sıra xarici ölkələrin və beynəlxalq qurumların təmsilçiləri, hakimlər, prokurorlar, vəkillər, Ədliyyə və Daxili işlər nazirliklərinin əməkdaşlarının iştirakı gözlənilir.

Tədbirdə beynəlxalq, regional və yerli səviyyədə insan alveri ilə mübarizə sahəsində əməkdaşlıq, bu sahədə milli qanunvericiliyin təkmilləşdirilməsi və tətbiqi məsələləri müzakirə olunacaq.

İnsan alveri ilə mübarizənin müxtəlif aspektlərinə dair Türkiyə, Almaniya, Bolqarıstan, Rumıniya, İsveçrə, Ukrayna, Moldova, Belarus, "İnterpol"un və Avropa İnsan Hüquqları Məhkəməsinin nümayəndələrinin təqdimatları dinləniləcək, fikir və təcrübə mübadiləsi aparılacaqdır.

Məqalədə:
Xəbər lenti

Xəbər lenti