Bakı. Elçin Mehdiyev - Trend:
Asiya Siyasi Partiyalarının Beynəlxalq Konfransının (ICAPP) baş katibi, qurumun daimi komitəsinin həmsədri Çung Eui-Yong Koreya Respublikasının xarici işlər naziri təyin edilib.
Yeni Azərbaycan Partiyasından Trend-ə verilən məlumata görə, ICAPP-ın baş katibi olaraq, Çung Eui-Yong Yeni Azərbaycan Partiyası ilə sıx əməkdaşlıq münasibətlərinin inkişafına hər zaman xüsusi önəm verib, Azərbaycanla Koreya Respublikası arasında qarşılıqlı əlaqələrin inkişafına mühüm töhfələr verib.
Qeyd edək ki, cənab Çung Eui-Yong İCAPP-ın Daimi Komitəsinin üzvü kimi Yeni Azərbaycan Partiyasının dəvəti ilə dəfələrlə Azərbaycanda səfərdə olub.
Cənab Çung Eui-Yong, Azərbaycanın beynəlxalq aləmdəki böyük nüfuzunu, ölkəmizdəki sürətli inkişafı və YAP-ın bu uğurlardakı rolunu hər zaman yüksək qiymətləndirərək təşkilatın VII Baş Assambleyasının Bakıda keçirilməsi barədə qərarın təşəbbüskarı olub.
Cənab Çung Eui-Yong, Yeni Azərbaycan Partiyasının təşkilatçılığı ilə Bakıda Asiya Siyasi Partiyaları Beynəlxalq Konfransının Qadınlar qolunun 3-cü iclasında, həmçinin Gənclər Qolunun 2-ci toplantısında iştirak edib.