Bakı. Trend:
Rusiya Federasiyasının iki subyektinin nümayəndə heyəti Azərbaycana səfər edəcək.
Trend xəbər verir ki, bunu Azərbaycanın xarici işlər naziri Ceyhun Bayramov bu gün rusiyalı həmkarı Sergey Lavrovla Moskvada görüşü zamanı deyib.
"Azərbaycan Rusiya Federasiyasının 70-dən çox subyekti ilə əlaqələri inkişaf etdirir. Rusiya Federasiyasının 20-dən çox subyekti ilə ayrıca sazişlər var, 4 subyektdən ibarət hökumətlərarası komissiya fəaliyyət göstərir. Bu məsələdə 2010-cu ildən yaradılmış platformanın xüsusi rolu var. Platformadan danışarkən mən 17-18 noyabr 2022-ci il tarixlərində 11-ci iclası keçirilmiş regionlararası forumu nəzərdə tuturam. Yaxın günlərdə Rusiya Federasiyasının subyektlərinin daha iki nümayəndə heyəti Azərbaycana səfər edəcək", - deyə Bayramov bildirib.