Bakı. Trend:
20 Yanvar faciəsi xalqımızın müstəqillik uğrunda mübarizə tarixinin şərəfli səhifəsidir.
Trend xəbər verir ki, bu gün Azərbaycan xalqının qəhrəmanlıq nümunəsi olan 20 Yanvar faciəsindən 35 il ötür.
Avstriya Respublikasının Salzburg şəhərində fəaliyyət göstərən Azərbaycan Evindədə 20 Yanvar faciəsinin qurbanlarının xatirəsinin yad edilməsi məqsədiilə xatirə guşəsi yaradıldı.
20 Yanvar faciəsi xalqımızın iradəsinin sarsılmazlığının və mətinliyinin sübutu, müstəqillik və suverenlik uğrunda aparılan mübarizə tariximizin şərəfli səhifəsidir.
Keçmiş SSRİ-nin o zamankı rəhbərliyi xalqımızın istiqlaliyyət, suverenlik və azadlıq istəyini boğmaq üçün 1990-cı il yanvarın 19-dan 20-nə keçən gecə sovet qoşun hissələrini Bakı şəhərinə yeritmiş və mülki əhaliyə qarşı qırğın törədilmişdir. Nəticədə 147 Azərbaycan vətəndaşı qətlə yetirilmiş, 744 nəfər yaralanmış, 841 nəfər isə qanunsuz həbs edilmişdir.
Sovet rəhbərliyinin xalqımızın iradəsini sındırmaq cəhdi baş tutmadı, tezliklə Azərbaycan öz müstəqilliyini bərpa etdi. 20 Yanvar faciəsi xalqımızın yaddaşında müstəqilliyə gedən yol, milli qürur, iftixar, milli müqavimət günü kimi əbədi həkk olunub.
Avstriya Azərbaycanlıları Cəmiyyəti və Salzburg Azərbaycan Evi olaraq 20 Yanvar faciəsinin qurbanlarını dərin hüznlə anırıq.
Allah şəhidlərimizə rəhmət etsin.
