Laçın. Trend:
Bu gün Laçında Azərbaycan Prezidenti İlham Əliyev və Pakistanın Baş naziri Məhəmməd Şahbaz Şərifin iştirakı ilə keçirilən 28 May - Müstəqillik Gününə həsr olunan konsertdən əvvəl çıxışı zamanı Rəcəb Tayyib Ərdoğan Xalq şairi Səməd Vurğunun “Azərbaycan şeirindən parça səsləndirib.
Trend-in Laçına ezam olunan əməkdaşı xəbər verir ki, Ərdoğan şeiri səsləndirmədən qabaq çıxışında bildirib ki, biz həmişə Azərbaycanın yanında olacağıq.
"Rəbbim Azərbaycan-Türkiyə qardaşlığını daim etsin!", - Ərdoğan deyib.
O, Səməd Vurğunun Azərbaycan haqda yazdığı şeiri belə səsləndirib:
"El bilir ki, sən mənimsən,
Yurdum, yuvam, məskənimsən,
Anam, doğma vətənimsən!
Ayrılarmı könül candan?
Azərbaycan, Azərbaycan!
Mən bir uşaq, sən bir ana,
Odur ki, bağlıyam sana:
Hankı səmtə, hankı yana
Hey uçsam da yuvam sənsən,
Elim, günüm, obam sənsən!
Obamız, elimiz Azərbaycanla münasibətləri gücləndirərək davam etdirəcəyik".