Pakistan Dağlıq Qarabağ münaqişəsinin nizama salınmasında Azərbaycanın düzgün və ədalətli mövqeyini dəstəkləyir və problemin həllinə hər cür köməklik göstərməyə hazırdır. Trend in xəbər verdiyi kimi, bu barədə fevralın 24-də Pakistanın Azərbaycandakı səfiri Məhəmməd Hafiz Milli Məclisin spikeri Oqtay Əsədovla görüşündə bildirib.
Diplomat öz ölkəsinin rəhbərliyi adından O.Əsədovu spiker təyin olunması münasibətilə təbrik edərək ona fəaliyyətində uğurlar arzulayıb.
Parlament spikeri bəyan edib ki, Azərbaycan və Pakistan prezidentlərinin qarşılıqlı görüşləri hər iki ölkə arasında münasibətlərin inkişafında yeni mərhələnin əsasını qoyub. O, hər iki ölkə nümayəndələrinin beynəlxalq təşkilatlar çərçivəsində əməkdaşlığının genişləndirilməsini və bunun üçün qarşılıqlı səfərlərin təşkilinin vaacibliyini vurğulayıb.
O.Əsədov, həmçinin, Misirin Bakıdakı səfiri Yusif Əhməd İbrahim əl-Şərkavini də qəbul edib. Görüşdə müxtəlif sahələrdə ikitərəfli münasibətlərin və parlamentlərarası əlaqələrin inkişafı ilə bağlı məsələlər müzakirə mövzusu olub.
Trend-in ən mühüm və maraqlı xəbərlərini "Telegram"da izləyin
.jpg)
.jpg)
.jpg)
