70-ci illərin əvvəllərində Salyan şəhərində ümummittifaq əhəmiyyyətli plastik kütlə emalı zavodu işə düşdükdən sonra burada 100-lərlə şəxs işlə təsmin olundu. Mühəndis-texniki işçilərin və fəhlələrin müxtəlif kəndlərdən gəldiyini nəzərə alan zavodun rəhbərliyi yaxıınlıqda yaşayış massivi salmağı qərara aldı. Beləliklə, 1975-85-ci illərdə burada 18 ədəd 4-5 mərtəbəli bina inşa olundu.
Ötən illər ərzində bu binaların bir çox kommunikasiya sisteminin, o cümlədən kanalizasiyalarının təzələnməsinə ehştiyac yaranıb. "Azərsu" səhmdar cəmiyyətinin tikinti təşkilatı artıq plastik yaşayış massivində 2,5 km uzunluğunda kanalizasiya sistemini təzələməyə başlayıb. Binaların bir çoxunun zirzəmisində xeyli su toplanıb. Bu da kanalimzasiya sisteminin norimal işləlməməsi nəticəsində yaranıb. İndi hər blokun qarşısında quyu lüklər qurmaqla kanalizasiya sularının tam axıdılması nəzərdə tutulub. Plastik yaşayış massivində bütün kanalizasiya sularının toplanması üçün artıq 6x6x7 metr ölçüdə, yəni 252 m3-lik çirkab anbarı tikilib. Anbarın üzərində güclü nasosoxana yaradılacaq və buradakı çirkab suları 3,6 km kəmərlə Kürqaraqaşlı kəndindəki örtülü kollektor-drenə vurulacaq. Hazırda tikintidə 1 ekskavator və 2 arxqazan işləyir.
Qeyd etmək lazımdır ki, arxlara qoyulan lük quyular elə iş prosesində dəmir-beton məmulatından yüksək səviyyədə hazırlanır, dəmir-beton konstruksiya quruyub lazımi kondisiyaya çatdıqda yerinə qoyulur. Obyekt iyun ayının axırına kimi tam istifadəyə veriləck.
