İyulun 29-da Daxili işlər naziri Ramil Usubovun əmri ilə Mehman Təhməzov Binəqədi Rayon Polis İdarəsinə (RPİ) rəis təyin edilib. Bu barədə Trend ə Binəqədi RPİ-nin rəis müavini Rasim Musayev məlumat verib.
R.Musayev bildirib ki, M.Təhməzov yaxın vaxtlaradək Abşeron RPİ-nin rəisi olub.
Qeyd edək ki, Binəqədi RPİ-nin keçmiş rəisi Nazim Nağıyev yaş həddi ilə əlaqədar olaraq iyulun 22-də təqaüdə göndərilib. Onun vəzifəsini müvəqqəti olaraq Rasim Musayev icra edirdi.