Azərbaycan və Ermənistan prezidentləri İlham Əliyev və Robert Köçəryan ilin sonunadək görüşə bilər. Bu barədə Trend ə eksklüziv olaraq Azərbaycanın xarici işlər naziri Elmar Məmmədyarov bəyan edib.
O bildirib ki, prezidentlərin görüşü hər iki ölkənin XİN başçıları arasında bir neçə gündən sonra Avropada aparılacaq danışıqların nəticələrindən asılı olacaq.
Qeyd edək ki, Azərbaycan və Ermənistan prezidentlərinin sonuncu görüşü 2006-cı ilin ortalarında Rumıniyada keçirilib. XİN başçılarının növbəti görüşünün isə sentyabrın ortalarında Parisdə və ya Londonda keçirilməsi planlaşdırılır.