Oktyabrın 14-də Avropa Şurası Venesiya Komissiyasının 68-ci plenar sessiyasında "Sərbəst toplaşmaq azadlığı haqqında" Azərbaycan qanununun təkmilləşdirilməsinə dair məsələ müzakirə olunacaq. Bu barədə Trend ə eksklüziv olaraq Venesiya Komissiyasının xarici əlaqələr şöbəsinin başçısı Tatyana Mışelova (Tatiana Muchelova) məlumat verib.
O qeyd edib ki, gündəliyə Belorusiya, Qazaxıstan, Çernoqoriya və Ukrayna ilə bağlı məsələlər daxil olunub. Sessiya öz işinə oktyabrın 13-də başlayıb. Sabah, sessiyanın sonuncu günü Azərbaycanla bağlı məruzə dinləniləcək.
Sessiyada Milli Məclisin deputatı Lətif Hüseynov iştirak edir.