Azərbaycan, Bakı / Trend müxbir E.Hüseynli/ Azərbaycanın polis orqanlarının əməkdaşları ilə bağlı bu ilin birinci rübündə Daxili İşlər Nazirliyinə (DİN) daxil olan şikayətlərin sayı ötən ilin müvafiq dövrü ilə müqayisədə 10,2% azalıb. Prezidentin İcra Aparatına ünvanlanan şikayətlərin sayı isə anoloji dövrlə müqayisədə 39,6% azalıb. Bu barədə DİN-in dünən keçirilən kollegiya iclasında nazirliyin Katibliyinin rəisi, polis polkovniki Nazim Əliyev məlumat verib.
Onun sözlərinə görə, görülən tədbirlər nəticəsində 2005-ci illə müqayisədə 2006-cı ildə daxil olan ərizə, şikayət və təkliflərin sayı 12,8%, ümumi müraciətlər 4,9%, yuxarı dövlət orqanlarından xüsusi nəzarətlə göndərilən ərizələr isə 6,8% azalıb.
Əliyev bildirib ki, ötən il daxil olan şikayətlər əsasında 21 polis əməkdaşı barəsində müvafiq intizam tədbirləri görülüb.
