Azərbaycan, Bakı, 24 may /müx.TrendLife Şahin Cavadsoy/
"Lider TV" nin canlı yaymında böyük maraqla izlənilən "Azəri Star-2008" gənc ifaçıların mahnı müsabiqəsinin beşinci həftəsi bütünlük türk mahnılarına həsr olundu. 16 iştirakçının mübarizə apardığı yarışmada yenə də əsl həyəcan yaşanırdı. "Fləş" rəqs qrupunun rəqs nömrəsi ilə başlanan müsabiqənin bu dəfəki münsiflər heyətinin tərkibində xalq artisti, aktrisa - Elmira Şabanova, əməkdar incəsənət xadimi, şair- Baba Vəziroğlu, tanınmış şoumen, "Lider TV"nin baş prodüseri Murad Dadaşov və müğənni Röya Ayxan təmsil olunurdu.
Aparıcılar Kemal Cenk İçten və Aygün Məcid sponsorlara edilən minnətdarlıqdan sonra ötən həftə münsiflər tərəfindən toxunulmazlıq qazanan iştirakçı Hüseyn Abdullayevi səhnəyə dəvət etdilər. Bugunlərdə paytaxtımızda qonaq olmuş meqa-star Tarkanın "Ayrılmayalım" mahnısını səsləndirən Hüseyn, münsiflər heyətinin tərif dolu sözlərini eşitdi. Ardınca həftənin birincisi Ədalət Abbasov, Yaqut Nərimanova, Günay Şıxəliyeva türk ulduzları - Tükan Şoray, Sibel Can və Sezen Aksunun hit mahnılarını ifa etdilər. Digər iştirakçılar da onlardan geri qalmayıb Emre Altuğ, Ebru Yaşar, Alişan, Çingiz Kurtoğlu,Gökhan Özen, Selami Şahin, Ajda Pekkan və başqa türk sənətçilərin repertuarlarından bəhrələnərək, öz istedadlarını nümayiş etdirdilər. Səslənən mahnıları ümumilikdə normal qiymətləndirən dörd münsif, bütün iştirakçıların seçimlərini qənaətbəxş hesab etdiklərini canlı yayımdaca bəyan etdilər.
Onu da deyək ki, iştirakçı Mirsaleh Əliyev özünün 23-cü doğum gününü müsabiqədə təntənəli şəkildə qeyd etdi.
Gecəyarısına qədər davam edən müsabiqədə bu gün yenə həlledici gün yaşanacaq. Ona görə də iştirakçıların adlarına açılan SMS nömrələrini bir daha diqqətinizə çatdırırıq. Unutmayın ki, yalnız Bakcell abonentləri seçib-bəyəndikləri iştirakçıları göndərəcəkləri səslərlə dəstəkləyə bilərlər:
1.İlkin Əhmədov 500 10 70
2.Kənan Əzimov 500 10 71
3.Elçin Məmmədov 500 10 73
4.Şahnaz Əliyeva 500 10 76
5.Tərlan Musayev 500 10 77
6.Şəms Cəbiyeva 500 10 78
7.Rinat Aslanov 500 10 79
8.Mirsaleh Əliyev 500 10 81
9.Günay Şıxəliyeva 500 10 82
10.Arif Əmrahzadə 500 10 83
11.Yaqut Nərimanova 500 10 84
12.Ədalət Abbasov 500 10 85
13.Aybəniz Məmmədova 500 10 86
14.Fəxri Kazım-Nicat 500 10 87
15.Hüseyn Abdullayev 500 10 88
16.Ruslan Süleymanov 500 10 89