Azərbaycan, Şəki, 29 oktyabr / Trend , müxbir X.Əliyeva/ XVIII əsr Azərbaycan memarlığının dunya əhəmiyyətli, unikal abidələrindən olan (paytaxt Bakıdan 360 kilometr şimal-qərbdə) "Şəkixanovların evi" tarixi memarlıq abidəsi, məhkəmənin qərarı ilə Mədəniyyət və Turizm Nazirliyinin balansına qaytarılıb. Yaxın günlərdə abidədə bərpa işlərinə başlanılacaq.
Şəki Mədəniyyət şöbəsinin müdiri Aydın Məmmədov çərşənbə günü Trend -a bildirib ki, Şəki xanlarının giriş iqamətgahı sayılan "Şəkixanovların evi" tarixi memarlıq abidəsi müxtəlif illərdə iki dəfə qanunsuz olaraq vətəndaşlara satıldığından, dövlət himayəsindən çıxarılıb. Nəticədə abidə baxımsızlıqdan hazırda bərbad vəziyyətə düşüb.
Rayon Mədəniyyət şöbəsinin iddiasi əsasında məhkəmənin qərarı ilə "Şəkixanovların evi" tarixi memarlıq abidəsi 17 216 manat vərəsələrə ödənilməklə dövlətin balansına qaytarılıb. Yaxın günlərdə isə abidədə Mədəniyyət Nazirliyinin xətti ilə bərpa işlərinə başlanılacaq.
Məqalə müəllifi ilə əlaqə ünvanı: [email protected]