Azərbaycan, Bakı, 16 iyun / Trend , müxbir H.Hacıyev /
Bakının Binəqədi rayonunda insan ölümü ilə nəticələnmiş partlayışda ittiham olunan "AzəriQaz" QSC-nin əməkdaşının məhkəməsi başlayıb.
Trend -un məlumatına görə, "AzəriQaz" QSC-nin Abşeron Qaz İstismarı İdarəsinin 3 saylı qaz istismar sahəsinin ustası Ruslan Piriyev bu il yanvarın 24-də Binəqədi rayonu, 28 May qəsəbəsi, yeni yaşayış massivində evlərin birində baş vermiş partlayış hadisəsinə görə təqsirli bilinir.
Yanvarın sonunda qaz sızmasından baş verən partlayış zamanı 4 nəfər - 30 yaşlı Zaur Abbasov və onun həyat yoldaşı Günel Dadaşova ölüb, onların iki övladı - 3 yaşlı Arzu və 4 yaşlı İradə qonşuların vasitəsilə xəstəxanaya çatdırıldığı üçün həyatlarını xilas etmək mümkün olub.
Piriyev Cinayət Məcəlləsinin ehtiyatsızlıqdan zərərçəkmiş şəxsin ölümünə səbəb olan səhlənkarlıq (314.2-ci) maddəsi ilə ittiham olunur.
Məhkəmə prosesində ifadə verən Piriyev elan olunmuş ittiham üzrə özünü təqsirli bilməyib.
O bildirib ki, baş vermiş hadisə ilə bağlı onun heç bir günahı yoxdur.