Azərbaycan, Bakı, 19 iyun / Trend , müxbir H.Bağırov /
Dövlətə xəyanətdə təqsirləndirilən Azərbaycan Ordusu əsgərinin məhkəməsi başlayıb.
Trend -un məlumatına görə, Ağır Cinayətlərə Dair İşlər üzrə Hərbi Məhkəmədə hərbi xidmət dövründə Ermənistan Xüsusi Xidmət Orqanları ilə əməkdaşlığa cəlb olunmuş Müdafiə Nazirliyinin N saylı hərbi hissəsinin kiçik çavuşu Anar Allahverdiyev elan olunmuş ittiham üzrə özünü təqsirli bilməyib.
Allahverdiyev ötən ilin noyabr-dekabr aylarında hərbi hissə ilə bağlı məlumatları Ermənistan hərbçilərinə ötürməkdə, döyüş növbəsi çəkmə qaydalarını pozmaqda, vəzifədən sui-istifadə etmə, vəzifə həddini aşmada ittiham olunur.
Allahverdiyev bu ilin yanvarında həbs olunub.
Proses şahid ifadələri ilə davam etdirilir.
Hazırda Ağır Cinayətlərə Dair İşlər üzrə Hərbi Məhkəmədə dövlətə xəyanətdə ittiham olunan 11 nəfərin məhkəmə prosesi keçirilir.
Məqalə müəllifi ilə əlaqə ünvanı: [email protected]
