...

Azərbaycan məhkəməsi dələduzluqda ittiham olunan Təhlükəsizlik Xidmətinin əməkdaşlarına cəza kəsib

Cəmiyyət Materials 10 Noyabr 2009 15:32 (UTC +04:00)
Trend News-un məlumatına görə, çərşənbə axşamı Ağır Cinayətlərə Dair İşlər üzrə Məhkəmədə Riyad Təhlükəsizlik Xidmətinin əməkdaşları Malik Rəşidov, Elməddin Quliyev və Xəyyam Həsənovun cinayət işi üzrə məhkəmə prosesi yekunlaşıb.

Azərbaycan, Bakı, 10 noyabr / Trend , müxbir H.Bağırov/

Azərbaycan məhkəməsi dələduzluqda ittiham olunan Təhlükəsizlik Xidmətinin əməkdaşlarına cəza kəsib.

Trend -un məlumatına görə, çərşənbə axşamı Ağır Cinayətlərə Dair İşlər üzrə Məhkəmədə Riyad Təhlükəsizlik Xidmətinin əməkdaşları Malik Rəşidov, Elməddin Quliyev və Xəyyam Həsənovun cinayət işi üzrə məhkəmə prosesi yekunlaşıb.

Məhkəmənin hökmü ilə Quliyev 10 il 6 ay müddətinə azadlıqdan məhrum edilib, digər iki nəfərin hər birinə 7 il şərti cəza verilərək məhkəmə zalından azad olunublar.

Təqsirləndirilən şəxslər Cinayət Məcəlləsinin dələduzluq (178), hədə-qorxu yolu ilə tələb etmə (182) maddələri ilə ittiham olunurlar.

Adıçəkilən şəxslər Bakı şəhər sakini Fəxrəddin Nəzərovu Neftçala rayon İcra Hakimiyyətinin başçısı vəzifəsinə düzlətmək istəyiblər və bununla bağlı onların arasında razılıq əldə edilib. Lakin iş düzəlmədiyindən təqsirləndirilən şəxslər Nəzərova hədə-qorxu gələrək pul tələb ediblər.

Nəzərovun şikayəti əsasında təqsirləndirilən şəxslər Daxili İşlər Nazirliyinin Baş Mütəşəkkil Cinayətkarlığa qarşı Mübarizə İdarəsinin əməkdaşları tərəfindən tutulublar.

Məhkəmə prosesində təqsirləndirilən şəxs qismində ifadə verən şəxslər elan olunmuş ittiham üzrə özlərini təqsirli bilməyiblər. Onlar bildiriblər ki, Nəzərovu aldatmaq niyyətləri olmayıb, onu icra başçısı vəzifəsinə düzlətmək istəyiblər, amma iş alınmayıb.

Məqalə müəllifi ilə əlaqə ünvanı: [email protected]

Xəbər lenti

Xəbər lenti