Fotoşəkillər əlavə olunub (birinci xəbər 10:28-də yayılıb)
Azərbaycan, Bakı, 6 iyun /Trend, müxbur M.Əliyev/
Azərbaycan futbolunun 100 illik yubileyi münasibətilə bazar ertəsi AFFA tərəfindən Mərdəkanda inşa olunmuş Futbol Mərkəzində "Dalğa Arena"nın və yardımçı meydançanın açılışı olub.
Trend-in məlumatına görə, açılış lentini FİFA, UEFA və AFFA prezidentləri Yozef Blatter, Mişel Platini və Rövnəq Abdullayev kəsiblər.
İştirakçılar sonra əsas və yardımçı stadionlarda yaradılan şəraitlə tanış olublar.
Blatter bildirib ki, 17 yaşlı qadınlar arasında futbol üzrə dünya çempionatını izləmək üçün gələn il yenidən Azərbaycana gələcək.
"Dalğa Arena" stadionunun tikintisinə 2010-cu il aprelin 24-də başlanılıb. Stadionun tutumu 6500 yerdir.
