Azərbaycan, Bakı, 1 iyul /Trend, müxbir M. Əliyev/
Azərbaycan hökuməti təhlükəli yoluxucu xəstəliklərin siyahısını təsdiq edib. Trend-in məlumatına görə, bu barədə Nazirlər Kabinetindən cümə günü bildirilib.
Nazirlər Kabinetinin təsdiq etdiyi siyahıya hemorragik virus xəstəlikləri, sarı qızdırma, insanın immunçatışmazlığı virusu infeksiyası, B və C hepatitləri daxildir.
Qərar "Təhlükəli yoluxucu xəstəliklərin siyahısı"nın təsdiq edilməsi barədə "İmmiqrasiya haqqında" Azərbaycan Respublikası Qanununun tətbiq edilməsi barədə", həmçinin "Miqrasiya idarəetmə sisteminin inkişafı və "Azərbaycan Respublikasının bəzi qanunvericilik aktlarına əlavələr və dəyişikliklər edilməsi barədə" qanunun tətbiq edilməsi haqqında Azərbaycan Prezidentinin fərmanlarına əsasən qəbul olunub.
Məqalə müəllifi ilə əlaqə ünvanı news@trend.az
Bizi Twitter-dən izləyin @trend_az
Trend-in ən mühüm və maraqlı xəbərlərini "Telegram"da izləyin
