Azərbaycanın futbol yığmasının baş məşqçisi Berti Foqtsla müqavilənin müddəti 2014-cü ilə qədər uzadılıb

Azərbaycan, Bakı, 30 noyabr /Trend, müxbir E.Mehdiyev/

Azərbaycanın futbol üzrə milli komandasının baş məşqçisi Berti Foqtsla müqavilənin müddəti 2014-cü ilə qədər uzadılıb. Trend-in məlumatına görə, bu barədə qərar AFFA-nın İcraiyyə Komitəsinin çərşənbə günü keçirilən iclasında qəbul edilib.

Bu gün AFFA-nın İcraiyyə Komitəsinin iclası keçirilib. İclasda AFFAn prezidenti Rövnəq Abdullayev, İcraiyyə Komitəsinin üzvləri Elşad Nəsirov, Elmar Qasımov, İsgəndər Cavadov, Ələkbər Məmmədov, Kazbek Tuayev, Mirkamil Rəhimov və Cahangir Hacıyev iştirak edib.

İclasda, həmçinin "İnter" PİK-in "Şəfa" stadionunu satın alması ilə bağlı müraciəti müsbət cavablandırılıb, bununla bağlı müvafiq sənədlərin hazırlanması baş katibə həvalə olunub.

Futbol veteranları Vaqif İbrahimov, Ədalət Cəfərov, Böyükağa Ağayev, Əziz Əliyev, Ağasəlim Mircavadov və Rüstəm Rəhimovun adı AFFA-dan təqaüd alan veteranların siyahısına əlavə olunub. Ağasəlim Mircavadov və Rüstəm Rəhimova təqaüdün verilməsi məsələsinə İcraiyyə Komitəsinin növbəti iclasında baxılması qərara alınıb.