Azərbaycan, Bakı, 2 dekabr /Trend, müxbir K.Zərbalıyeva/
Bakıda sabah buludlu, çiskinli hava gözlənilir.
Ekologiya və Təbii Sərvətlər Nazirliyindən cümə günü Trend-ə verilən məlumata görə, Bakıda və Abşeron yarımadasında dekabrın 3-də buludlu hava şəraiti üstünlük təşkil edəcək. Hava əsasən yağmursuz keçəcək, lakin axşama doğru yarımadanın bəzi yerlərində çiskinli olacağı ehtimalı var.
Şimal-qərb küləyi gündüz arabir güclənəcək. Havanın temperaturunun gecə 0-3, gündüz 5-9 dərəcə isti olacağı gözlənilir.
Sabah Azərbaycanın bəzi şimal və şərq rayonlarında əsasən gecə və axşam havanın yağıntılı olacağı gözlənilir. Qərb küləyi əsəcək, arabir güclənəcək.
Havanın temperaturu gecə 2 dərəcə şaxtadan 3 dərəcəyədək isti, gündüz 6-11 dərəcə isti, dağlarda gecə 5-10 dərəcə şaxta, gündüz 0-5 dərəcə isti olacaq.
Yüksək dağlıq ərazilərdə havanın minimal temperaturunun 12-17 dərəcə şaxta olacağı gözlənilir.
Məqalə müəllifi ilə əlaqə ünvanı news@trend.az
Bizi Twitter-dən izləyin @trend_az
Trend-in ən mühüm və maraqlı xəbərlərini "Telegram"da izləyin
.jpg)
