Azərbaycan, Bakı, 6 fevral / Trend müxbir İ.İsabalayeva/
Dünən Bakıda yolların buzlu olması ilə əlaqədar 18 nəfər sürüşərək müxtəlif dərəcəli travma alıb. Bunu bazar ertəsi Trend-ə Bakı şəhər Təcili və Təxirəsalınmaz Tibbi Yardım Stansiyasının baş həkimi Mürsəl Həmidov deyib.
O bildirib ki, xəsarət alan şəxslərin 17-si xəstəxanalara yerləşdirilib.
Baş həkimin sözlərinə görə, dünən donvurma ilə əlaqədar müraciət olmayıb.
Ötən sutka ərzində dəm qazından zəhərlənmə diaqnozu ilə təcili tibbi yardım stansiyalarına 19 nəfər müraciət edib. Onların 15-i xəstəxanalara çatdırılıb.