...

Bakıda yarım ay ərzində 400-ə yaxın şəxs dəm qazından zəhərlənib

Cəmiyyət Materials 13 Fevral 2012 09:52 (UTC +04:00)
Yanvarın 28-dən fevralın 12-dək Bakıda 376 nəfər dəm qazından zəhərlənmə diaqnozu ilə təcili tibbi yardım stansiyalarına müraciət edib.
Bakıda yarım ay ərzində 400-ə yaxın şəxs dəm qazından zəhərlənib

Azərbaycan, Bakı, 13 fevral / Trend müxbir İ.İsabalayeva/

Yanvarın 28-dən fevralın 12-dək Bakıda 376 nəfər dəm qazından zəhərlənmə diaqnozu ilə təcili tibbi yardım stansiyalarına müraciət edib. Bunu bazar ertəsi Trend-ə Bakı şəhər Təcili və Təxirəsalınmaz Tibbi Yardım Stansiyasının baş həkimi Mürsəl Həmidov deyib.

Onun sözlərinə görə, həmin şəxslərin 216-sı xəstəxanalara yerləşdirilib. Yalnız ötən sutka ərzində Bakıda 25 nəfər dəm qazından zəhərlənmə diaqnozu ilə təcili tibbi yardım stansiyalarına müraciət edib. Onların 20-si xəstəxanalara çatdırılıb.

Ötən gün ərzində 3 yol qəzası baş verib. Həmin hadisələr nəticəsində zərər çəkən 3 nəfər xəstəxanalara yerləşdirilib.

Xəbər lenti

Xəbər lenti