Azərbaycan, Bakı, 12 aprel /Trend, müxbir İ.İsabalayeva/
Azərbaycan Mədəniyyət və Turizm Nazirliyi hotellərdən "Eurovison-2012" Mahnı Müsabiqəsinə gələn insanlar üçün yerləşdirmə qiymətlərinin adi günlərdəkindən fərqli olmayacağı barədə zəmanət alıb. Trend-in məlumatınma görə, bunu cümə axşamı jurnalistlərə Azərbaycanın mədəniyyət və turizm naziri Əbülfəs Qarayev bildirib. Onun sözlərinə görə, müsabiqə ilə əlaqədar hotellərin qiymətləri artmayacaq.
"Eurovison-2012" müsabiqəsi zamanı turistlər normal qiymətlər əsasında yerləşə bilərlər. Azərbaycan Turizm Assosiasiyasının üzvləri olan bütün hotellər ölkədə beynəlxalq tədbirlərin yüksək səviyyədə keçirilməsinə lazımi dəstək verirlər", - nazir deyib.
O əlavə edib ki, artıq hotellər yerləşdirmə üçün hazırdır. Yaxın bir ay ərzində isə ölkə müsabiqənin keçirilməsinə turizm - səyahət, qonaqların qarşılanması baxımından hazır olacaq.
Məqalə müəllifi ilə əlaqə ünvanı news@trend.az
Bizi Twitter-dən izləyin @trend_az
Trend-in ən mühüm və maraqlı xəbərlərini "Telegram"da izləyin
