Azərbaycan, Bakı, 22 iyun /Trend, müxbir İ.İsabalayeva/
Təhsil Nazirliyinin sağlamlıq imkanları məhdud uşaqlar üçün 1 nömrəli xüsusi internat məktəbi ilə sağlamlıq imkanları məhdud uşaqlar üçün 3 nömrəli respublika xüsusi internat məktəbi birləşdirilib.
Nazirlər Kabinetindən cümə günü Trend-ə verilən məlumata görə, onların bazasında sağlamlıq imkanları məhdud uşaqlar üçün 3 nömrəli respublika xüsusi internat məktəbi yaradılacaq.
NK-nın bununla bağlı qərarı Təhsil Nazirliyinin təklifi nəzərə alınmaqla verilib.
Yeni qərarla 1 nömrəli xüsusi internat məktəbi "Azərbaycan Respublikası Təhsil Nazirliyinin strukturuna daxil olmayan tabeliyindəki qurumların Siyahısı"dan çıxarılıb.