Qazaxıstan, Astana, 14 dekabr /Trend, müxbir D.Muxtarov/
Qazaxıstan 2025-ci ilədək kiril əlifbasından latın qrafikasına keçmək niyyətindədir. Trend-in məlumatına görə, bu barədə cümə günü ölkə Prezidenti Nursultan Nazarbayev Qazaxıstanın müstəqilliyinin 21-ci ildönümünə həsr edilmiş təntənəli yığıncaqda çıxışı zamanı bildirib.
"Artıq indidən 2025-ci ildə latın qrafikasına keçid üzrə hazırlıq işlərinə başlamaq lazımdır", - Nazarbayev deyib.
Onun fikrincə, bu, dilin inkişafına imkan yaradacaq, həmçinin Qazax dilini müasir informasiya dilinə çevirəcək.