Azərbaycan, Bakı, 4 noyabr /Trend, müxbir İ.İsabalayeva/
Milli Televiziya və Radio Şurası (MTRŞ) bəzi şirkətlərin televiziya yayımları üçün lisenziya müddətini uzadıb.
Şuradan Trend-ə verilən məlumata görə, bu gün MTRŞ-nin növbəti iclası keçirilib. İclasda "Baku and Boston TV Communication" MMC-nin, "SKAY MAKS" MMC-nin, "Azad Azərbaycan Müstəqil Tele-radio Kompaniyası"nın kabel şəbəkəsi yayımı üçün, "CTV" MMC-nin isə regional (Lənkəran şəhəri) televiziya yayımı üçün xüsusi razılıq (lisenziya) müddətinin uzadılması barədə müraciətlərinə baxılıb.
Milli Televiziya və Radio Şurasının qərarına əsasən, "Baku and Boston TV Communication" MMC-nin, "SKAY MAKS" MMC-nin, "Azad Azərbaycan Müstəqil Tele-radio Kompaniyası"nın kabel şəbəkəsi yayımı üçün, "CTV" MMC-nin isə regional televiziya yayımı üçün xüsusi razılıq (lisenziya) müddəti daha 6 il uzadılıb.