Azərbaycan, Bakı, 9 noyabr /Trend, müxbir İ.İsababalyeva/
Bazar günü Azərbaycanda hava şəraiti nisbətən mülayimləşəcək.
Ekologiya və Təbii Sərvətlər Nazirliyinin Milli Hidrometeorologiya Departamentindən Trend-ə bildiriblər ki, Bakıda və Abşeron yarımadasında noyabrın 10-da buludlu hava şəraiti üstünlük təşkil edəcək, əsasən yağmursuz olacaq. Cənub küləyi əsəcək.
Havanın temperaturunun gecə 7-10, gündüz 13-17 dərəcə isti olacağı gözlənilir.
Azərbaycanın rayonlarında noyabrın 10-da gecə və səhər saatlarında duman, çiskin olacaq. Lənkəran-Astara zonasında yağış yağacaq. Şərq küləyi əsəcək. Aran rayonlarında havanın temperaturu gecə 6-10, gündüz 14-19, dağlarda gecə 0-5, gündüz 10-15 dərəcə isti olacaq.