Azərbaycan, Bakı, 9 fevral /Trend/
Azərbaycanın Macarıstandakı səfirliyi iki ölkə arasındakı əlaqələrin xronologiyasını özündə əks etdirən "Azərbaycan - Macarıstan: qarşılıqlı əlaqələrin dinamikası" adlı iki hissəli məlumat-sorğu kitabı çap edib.
Səfirlikdən Trend-ə verilən məlumata görə, hər növbəti ilin sənəd və materialları əsasında hazırlanan və artıq 7-ci cildi çap olunan bu məlumat-sorğu kitablarında Azərbaycan və Macarıstan mətbuatında dərc olunmuş materiallar əsasında il ərzində iki ölkənin siyasi, iqtisadi, humanitar, turizm və diplomatiya sahələrindəki əməkdaşlığı öz əksini tapıb.
Nəşrlərdə qarşılıqlı səfərlərə və qəbul olunan sənədlərə də xüsusi diqqət yetirilib.