Azərbaycan, Bakı, 26 fevral /Trend, müxbir Elçin Mehdiyev/
Bu gün Azərbaycan Prezidenti yanında Gənclər Fondunun təşkilatçılığı ilə Xocalı faciəsinin ildönümünə həsr olunmuş "Xocalıya ədalət" şüarı altında yürüş keçirilib.
Trend-in məlumatına görə, gənclər təşkilatlarının 3 mindən çox üzvünün iştirakı ilə 26 fevral saat 04:30-da başlayan yürüş Xocalı abidəsinin önündən start götürüb və Dənizkənarı Milli Parkda bitib. Gənclər yürüş boyu Azərbaycan himnini oxuyublar, "Şəhidlər ölməz, Vətən bölünməz" şüarı səsləndiriblər.
Aksiya işıq saçan fənərlərin səmaya buraxılması ilə yekunlaşıb.
