...

Yol polisi: Avtomobilini texniki baxışdan vaxtında keçirməyənlər cərimələnəcək

Cəmiyyət Materials 30 Aprel 2015 13:09 (UTC +04:00)
“VAZ” və MDB ölkələrində istehsal olunan digər markalı minik avtomobillərinin Azərbaycanda texniki baxışdan keçməsi üçün təyin edilən müddət bu gün bitir.
Yol polisi: Avtomobilini texniki baxışdan vaxtında keçirməyənlər cərimələnəcək

Azərbaycan, Bakı, 30 aprel /Trend, müxbir İlkin İzzət/

"VAZ" və MDB ölkələrində istehsal olunan digər markalı minik avtomobillərinin Azərbaycanda texniki baxışdan keçməsi üçün təyin edilən müddət bu gün bitir.

Bunu Trend-in sorğusuna cavabında Daxili İşlər Nazirliyi (DİN) Respublika Baş Dövlət Yol Polisi İdarəsinin (BDYPİ) İctimaiyyətlə əlaqələr şöbəsinin rəisi, polis polkovniki Kamran Əliyev bildirib.

K.Əliyevin sözlərinə görə, texniki baxışdan keçməli olan, lakin bunu etməyən nəqliyyat vasitələrinin idarə olunmasına görə sürücülər məsuliyyətə cəlb olunacaqlar: "Avtomobilini vaxtında texniki baxışdan keçirmədiyinə görə fiziki şəxslər 50 manat, vəzifəli şəxslər 100 manat, hüquqi şəxslər isə 300 manat məbləğində cərimə olunacaq".

Şöbə rəisi sürücüləri avtomobillərini vaxtında texniki baxışdan keçirməyə çağırıb: "Qanunvericiliklə onlara texniki baxışdan keçmək üçün kifayət qədər vaxt verilir. Bu işi son günə saxlamaq lazım deyil. Bu, ilk növbədə həmin avtomobil sahiblərinin və sürücülərinin təhlükəsizliyi üçün lazımdır. Avtomobilini texniki baxışdan hələ keçirməyənlər bu gün iş gününün sonunadək müraciət edə bilərlər".

Məqalədə:
Xəbər lenti

Xəbər lenti