Azərbaycan, Bakı, 7 oktyabr /Trend, E.Mehdiyev/
Hərbi qulluqçulara verilən kirayə haqlarının məbləğinin artırılması təkilf olunur.
Trend-in məlumatına görə, bu barədə Azərbaycan ombudsmanı Elmira Süleymanova Milli Məclisdə bu gün bir neçə komitənin iştirakı ilə keçirilən 2016-cı ilin büdcə müzakirələri zamanı deyib.
O bildirib ki, hazırda hərbi qulluqçulara kirayə haqqı olaraq rayonlarda verilən 30 manat, Bakı şəhəri üzrə isə 47 manat real vəziyyəti əks etdirmir: "Bu qiymətlərə nə rayonlarda, nə də Bakıda ev kirayələmək mümkündür".
E.Süleymanova bunu nəzərə alaraq hərbi qulluqçulara verilən kirayə haqlarının artırılmasını təklif edib.