...

Dövlət sirri ilə işləməyə icazəsi olmayanları vəzifəyə təyin edənlər cərimələnəcək

Cəmiyyət Materials 11 Dekabr 2015 11:22 (UTC +04:00)
Azərbaycanda dövlət sirri ilə işləməyə buraxılışı olmayan şəxsin dövlət sirrindən istifadə ilə bağlı vəzifəyə təyin edilməsinə görə vəzifəli şəxslər 500 manatdan 700 manatadək, hüquqi şəxslər 500 manatdan 2000 manatdək cərimə ediləcəklər.
Dövlət sirri ilə işləməyə icazəsi olmayanları vəzifəyə təyin edənlər cərimələnəcək

Bakı. İlhamə İsabalayeva - Trend:

Azərbaycanda dövlət sirri ilə işləməyə buraxılışı olmayan şəxsin dövlət sirrindən istifadə ilə bağlı vəzifəyə təyin edilməsinə görə vəzifəli şəxslər 500 manatdan 700 manatadək, hüquqi şəxslər 500 manatdan 2000 manatdək cərimə ediləcəklər.

Milli Məclisdən Trend-ə verilən məlumata görə, bu məsələ yeni hazırlanan İnzibatı Xətalar Məcəlləsinin layihəsinə daxil edilib.

Yeni layihədə informasiyanın əldə edilməsi haqqında yazılı sorğunun qəbul edilməsindən imtina olunmasına görə də cərimələrin məbləği artrılır. Hazırda informasiyanın əldə edilməsi haqqında yazılı sorğunun qəbul edilməsindən imtina olunmasına görə fiziki şəxslər 20 manatdan 25 manatadək, vəzifəli şəxslər 90 manat, hüquqi şəxslər isə 300 manat məbləğində cərimə edilirlər. Yeni layihəyə görə isə, informasiyanın əldə edilməsi haqqında yazılı sorğunun qəbul edilməsindən imtina olunmasına görə fiziki şəxslər 80 manatdan 100 manatadək, vəzifəli şəxslər 300 manatdan 500 manatadək, hüquqi şəxslər isə 1000 manatdan 1500 manatadək cərimə ediləcəklər.

Məqalədə:
Xəbər lenti

Xəbər lenti