Bakı. Trend:
ASAN Radionun aparıcısı və diksiya təlimçisi Cəlalə Nəzəroğlunun müəllifi olduğu "Danışığınla həyatı qazan" kitabının imza günü keçirilib.
Trend-in məlumatına görə, Gənc Tamaşaçılar Teatrında baş tutan tədbirdə kitab həvəskarları, o cümlədən, gözəl nitqə sahib olmaq istəyənlər iştirak ediridi.
"Danışığınla həyatı qazan" kitabı maraqla dinlənilmək, qəbul olunmaq, seçilmək və hədəflərə çatmaq üçün doğru və təsirli ünsiyyət qurmağın yollarından bəhs edir. Kitabda nitq qüsurlarının aradan qaldırılması üsulları geniş izah olunub, gözəl danışıq qabiliyyətinə sahib olan insanların mövzu ilə bağlı maraqlı həyat hekayələri yer alıb.
Kitabı tezliklə şəhərin mağazalarından əldə etmək mümkün olacaq.
