...

Gülər Əhmədovanın Azərbaycandan çıxmasına qoyulan qadağa götürüldü

Cəmiyyət Materials 12 İyul 2016 11:34 (UTC +04:00)
Bu gün Bakı Apellyasiya Məhkəməsində hakim Həsən Əhmədovun sədrliyi ilə keçmiş deputat Gülər Əhmədovanın ölkə hüdudlarından çıxmasına qoyulmuş məhdudiyyətin götürülməsi barədə vəsatətin rədd edilməsi barədə Yasamal Rayon Məhkəməsinin qərarından verilən apellyasiya şikayəti üzrə məhkəmə prosesi keçirilib.
Gülər Əhmədovanın Azərbaycandan çıxmasına qoyulan qadağa götürüldü

Bakı. Samir Əli - Trend:

Bu gün Bakı Apellyasiya Məhkəməsində hakim Həsən Əhmədovun sədrliyi ilə keçmiş deputat Gülər Əhmədovanın ölkə hüdudlarından çıxmasına qoyulmuş məhdudiyyətin götürülməsi barədə vəsatətin rədd edilməsi barədə Yasamal Rayon Məhkəməsinin qərarından verilən apellyasiya şikayəti üzrə məhkəmə prosesi keçirilib.

Trend-in məlumatına görə, prosesdə qərar elan olunub.

Qərara görə, birinci instansiya məhkəməsinin çıxardığı qərar ləğv edilib və G.Əhmədovanın üç ay müddətinə Azərbaycandan çıxmasına icazə verilib.

Xatırladaq ki, G.Əhmədova cərrahiyə əməliyyatı keçirməsi üçün ölkə hüdudlarından kənara çıxmasına qoyulmuş məhdudiyyətin götürülməsi barədə məhkəməyə vəsatət verib. Bu ilin aprelin 28-də Yasamal Rayon Məhkəməsi ərizəni təmin etməyib. Qərardan narazı qalan G.Əhmədovanın müdafiəçisi Adəm Məmmədov apellyasiya şikayəti verib.

Qeyd edək ki, fəaliyyəti dayandırılmış Azərbaycan Beynəlxalq Universitetinin sabiq rektoru Elşad Abdullayevin yaydığı qalmaqallı videodan sonra G.Əhmədova deputat mandatından imtina edib. Onun barəsində həbs qətimkan tədbiri seçilib. G.Əhmədova Cinayət Məcəlləsinin 178.3.2-ci (dələduzluq, külli miqdarda ziyan vurmaqla törədildikdə) və 307.2-ci (cinayət barəsində xəbər verməmə və ya qabaqcadan vəd etmədən cinayəti gizlətmə, qabaqcadan vəd etmədən ağır cinayəti gizlətmə) maddələri ilə ittiham olunub. Bakı Ağır Cinayətlər Məhkəməsinin hökmü ilə G.Əhmədova 3 il müddətinə azadlıqdan məhrum edilib. Hökmdən narazı qalan keçmiş deputat apellyasiya şikayəti verib. Bakı Apellyasiya Məhkəməsinin qərarı ilə G.Əhmədovaya 3 il sınaq müddəti təyin olunmaqla şərti cəza verilib və o, azadlığa buraxılıb. Bundan əvvəl G.Əhmədova şərti məhkum etmə cəzasının ləğv olunması və məhkumluğunun götürülməsinə dair Yasamal Rayon Məhkəməsinə müraciət edib. Məhkəmə onun şikayətini təmin etməyib. Qərardan narazı qalan G.Əhmədova apellyasiya şikayəti verib. Bakı Apellyasiya Məhkəməsi G.Əhmədovanın iddiası təmin edilməyib və Bakı Ağır Cinayətlər Məhkəməsinin hökmü qüvvədə saxlanılıb.

Məqalədə:
Xəbər lenti

Xəbər lenti