Bakı. Samir Əli - Trend:
İnterpol dələduzluqda təqsirləndirilən Azərbaycan vətəndaşı barəsində axtarış elan edib.
Trend-in məlumatına görə, 1969-cu il təvəllüdlü Elman Abbasov barəsində Azərbaycanın hüquq-mühafizə orqanları tərəfindən cinayət işi başlanılıb.
Cinayət işinin istintaqından yayınan E.Abbasov barəsində həbs qətimkan tədbiri seçilib və onun tutularaq istintaqa təhvil verilməsi üçün axtarış elan olunub.
Məhkəmə qərarına əsasən, İnterpol E.Abbasov barəsində beynəlxalq axtarış elan edib.
