...

Ombudsman Aparatının kitabxanası Beynəlxalq Kitab Bağışlama Günü ilə bağlı aksiyaya qoşulub

Cəmiyyət Materials 29 Yanvar 2021 14:19 (UTC +04:00)
Ombudsman Aparatının kitabxanası Beynəlxalq Kitab Bağışlama Günü ilə bağlı aksiyaya qoşulub

Bakı. Trend:

Azərbaycan Respublikasının İnsan Hüquqları üzrə Müvəkkilinin (Ombudsmanın) Aparatının kitabxanası F.Köçərli adına Respublika Uşaq Kitabxanası tərəfindən 14 fevral Beynəlxalq Kitab Bağışlama günü ilə əlaqədar keçirilən “Oxunan hər kitab nurlu sabahdır” adlı kitab aksiyasına qoşulub.

Ombudsman Aparatından Trend-ə verilən məlumata görə, 6 adda 450 nüsxə çap məhsulu (kitab, liflet, plakat) Respublika Uşaq Kitabxanasına hədiyyə edilib.

Hədiyyə edilmiş Uşaq hüquqları konvensiyası, “Uşaqları cismani cəzadan qoruyun”, “Mənim Hüquqlarım”, “Uşaqlar, ehtiyatlı olun! Mina, mərmi və digər hərbi sursatlar həyat üçün təhlükəlidir”, “Əllərinizi sabunla yuyun”, “Məlumatlı ol! Zorakılığa məruz qalma” adlı, kitab, liflet, plakatlardan ibarət çap məhsulları bu mövzularda uşaqların maarifləndirilməsinə dəstək məqsədi daşıyır.

Məqalədə:
Xəbər lenti

Xəbər lenti