Bakı. Trend:
Azərbaycan Memarlıq və İnşaat Universitetinin Nəqliyyat və logistika kafedrasının müdiri Tağı Əhmədov işdən ayrılıb.
Bu barədə Trend-ə açıqlamasında universitetin mətbuat katibi Nicat Abdullayev bildirib.
O qeyd edib ki, T.Əhmədovun işdən ayrılma səbəbi səhhətində olan problemlər idi.
"Tağı Əhmədov uzun illər universitetdə çalışıb. Təəssüfki səhhətində olan problemlər fəaliyyətinə davam etməyə imkan vermədi. Ötən ilin dekabr ayında seçki yolu ilə texnika elmləri doktoru, propfessor Qasım Abdullayev həmin vəzifəyə seçilib. Hazırda o fəaliyyətini davam etdirir", - deyə o bildirib.
Xatırladaq ki, ötən il T.Əhmədovun səhhətində ciddi problem yarandığı, ayaqlarının tam tutulduğu, yeriyə bilmədiyi qeyd edilmişdi.