Bakı. Trend:
Rəqabətli ödəniş ekosisteminin formalaşdırılması Azərbaycan Mərkəzi Bankının (AMB) prioritet strateji vəzifələri sırasındadır.
Trend-in məlumatına görə, bunu AMB-nin baş direktoru Fərid Osmanov Bakıda keçirilən "Visa Cashless Forum - Digital Azerbaijan" forumunda deyib.
O qeyd edib ki, ödəniş sektorunda əsas strateji istiqamətlərimizə ödəniş sistemlərinin əlçatanlığının artırılması da daxildir.
“Bu, ödəniş variantları baxımından maliyyə inklüzivliyini genişləndirilməsinə, ödəniş əməliyyatlarının təhlükəsizliyinin artırılmasına və adekvat tənzimləyici baza yaratmağa imkan verəcək", - deyə o vurğulayıb.
Qeyd edək ki, “Visa Cashless Forum” Ukrayna, Gürcüstan, MDB və Cənub-Şərqi Avropa bazarlarına təsir edən əsas Viza tədbirlərindən biridir. Forumda rəqəmsal ödənişlər və maliyyə texnologiyaları sahəsində ekspertlər iştirak edir.