Tbilisi. Trend:
AİB diqqətini iqlim dəyişikliyi ilə mübarizəyə və özəl sektorun inkişafına yönəldəcək.
Trend xəbər verir ki, bu barədə Asiya İnkişaf Bankının (AİB) prezidenti Masatsuqu Asakava Tbilisidə keçirilən 57-ci illik iclasında Rəhbərlər Şurasının biznes sessiyasında bildirib.
“Bu il AİB 2025-2030-cu illər üçün korporativ nəticələr matrisinindən və 2030-cu ilə qədər strategiyanın icmalından istifadə edəcək və müştərilər üçün dəstəyi inkişaf etdirməyə davam edəcək. AİB ən çox ehtiyacı olan üzvləri dəstəkləmək üçün yeni genişləndirilmiş kredit imkanlarından səmərəli istifadə edəcək
AİB-in yeni əməliyyat modelində iqlim dəyişikliyi ilə mübarizəyə və özəl sektorun inkişafına diqqət yetiriləcək. Yeni əməliyyat modelimizi sürətləndirmək və hesabatlılığı təmin etmək üçün biz yeni iş üsullarını da tətbiq edəcəyik. Bunlara yeni rəqəmsal alətlər, regional iş proqramları və korporativ fəaliyyət göstəriciləri daxildir”, - deyə o bildirib.
Xatırladaq ki, 2-5 may tarixləri ərzində keçirilən 57-ci illik toplantının mövzusu "Gələcəyə Körpü"dür.
İllik toplantı AİB-in İdarəedicilərinə Asiya-Sakit Okean regionunun üzləşdiyi inkişaf məsələləri və çağırışları nəzərdən keçirmək imkanı verir. Görüşdə mütəmadi olaraq bir neçə min iştirakçı, o cümlədən, maliyyə nazirləri, mərkəzi bankların rəhbərləri, yüksək vəzifəli dövlət rəsmiləri, özəl sektorun nümayəndələri, beynəlxalq və vətəndaş cəmiyyəti təşkilatlarının nümayəndələri, gənclər, elm və media nümayəndələri iştirak edir.