Bakı. Trend:
Göygöldə kadetlər arasında cüdo üzrə Avropa kuboku start götürüb.
Trend İdman.biz-ə istinadən xəbər verir ki, yarışın ilk Azərbaycan idmançıları üçün uğurlu olub.
Yığmamız 2 qızıl, 1 gümüş və 7 bürünc medal qazanıb. Məmmədəli Hüseynov (50 kq) finalda Aleksey Toptıgini (AİN), Nihad Məmişov (55 kq) isə Leka Darispanaşvilini (Gürcüstan) məğlub edib. Fərid Qarayev (60 kq) həlledici döyüşdə özbək Bahrom Asatova uduzub.
Avropa kubokunun ilk günündən sonra Azərbaycan (2-1-7) yığması lider mövqeyində yer alıb. Türkiyə (1-3-0) 2-ci, Özbəkistan (1-0-1) 3-cüdür.
Qeyd edək ki, yarışda 14 ölkədən 323 idmançı mübarizə aparır.