Bakı. Trend:
Tanınmış iş adamı, Azersun Holdinqin prezidenti Abdolbari Gozal vəfat edib.
Azersun Holdinqdən Trend-ə bildirilib ki, tanınmış iş adamı bu gün xəstəlikdən vəfat edib.
"Dərin hüznlə bildirmək istəyirik ki, Azərbaycan iqtisadiyyatının inkişafına verdiyi mühüm töhfələrə görə ölkə başçısı tərəfindən "Şöhrət" ordeni, "Tərəqqi" medalı, onlarla yerli və qlobal mükafatla təltif edilən xeyriyyəçi iş adamı, "Azərsun Holdinq"in qurucusu Abdolbari Gozal vəfat edib. Allah rəhmət etsin!" - deyə şirkətin "İnstagram" səhifəsindəki paylaşımda bildirilib.