Bakı. Trend:
Xəbər verdiyimiz kimi, ötən gecədən başlayan güclü yağış paytaxt yollarında bir sıra çətinliklərə yol açıb.
Trend xəbər verir ki, Daxili İşlər Nazirliyinin əməkdaşları dərhal bununla əlaqədar müxtəlif ərazilərə səfərbər ediliblər.
Yağış sularının yollarda yaratdığı fəsadların aradan qaldırılması və təhlükəsiz hərəkətin təmin edilməsinə dair təxirəsalınmaz tədbirlər həyata keçirilib.
Polis əməkdaşları paytaxtın müxtəlif istiqamətlərində avtomobillərin hərəkətinin fasiləsiz davam etdirilməsi üçün fəaliyyət göstərirlər.