Bakı. Trend:
Bu il Qarabağ Universitetinə 1300-1400 tələbənin qəbul olunmasını planlaşdırırıq.
Trend xəbər verir ki, bu sözləri Elm və təhsil naziri Emin Əmrullayev Ulu öndər Heydər Əliyevin anadan olmasının 102-ci ildönümünə həsr olunmuş “Ən yaxşı təqdimat” müsabiqəsi qaliblərinin mükafatlandırılması mərasimində çıxış edərkən deyib.
O bildirib ki, bu il tələbə sayının 2500 nəfərə çatması proqnozlaşdırılır.
"Qarabağ Universiteti təhsil üçün önəmli müəssisədir. Burada bir çox yeni layihələr həyata keçirilir", - deyə o əlavə edib.