Bakı. Trend:
Yaxın günlərdə Bakının Əziz Əliyev küçəsində yerləşən “Bvlgari” zərgərlik və saat butikində xüsusi bir tədbir baş tutub. Şəhərə saatsazlıq sənətinin ən nüfuzlu ekspertlərindən biri – Canfranko Ritçel təşrif buyurub. Onun gəlişi ultra nazik saatlar kateqoriyasında bir sıra dünya rekordlarına imza ataraq dünya səviyyəsində şöhrət qazanan “Bvlgari Octo Finissimo” kolleksiyasının təqdimatına həsr olunub.
Canfranko Ritçel müstəsna bir şəxsiyyətdir. O, Yüksək Saatsazlıq Sənəti Fondunun rəhbərliyində yer alır, Cenevrə Qran-prisinin vitse-prezidenti olub, Cenevrədə dərs deyir, dörd dil bilir və Horopedia adlı innovativ platformanın inkişafında fəal iştirak edir. Ən önəmlisi isə, Ritçel mürəkkəb mexaniki detallar barədə sadə və maraqlı şəkildə danışmaq bacarığına malikdir. “Bvlgari”nin Bakıda yerləşən rahat butikində o, öz biliklərini qonaqlarla bölüşürək, bəzi müasir saatların artıq bu gün 21-ci əsrin sənət əsərləri adlandırıla biləcəyini bildirib.
Saatsazlıq sənətinin canlı əfsanəsi Canfranko Ritçel
Tədbirin əsas diqqət mərkəzində “Octo Finissimo” kolleksiyası oldu. Son on bir il ərzində bu kolleksiya on dünya rekorduna imza atıb. Kolleksiyanın seçilən modellərindən biri – hazırda Bakıda nümayiş etdirilən “Octo Finissimo Ultra” modelidir. Bu, qalxan və şüşə də daxil olmaqla cəmi 1,80 mm qalınlığında olan mexaniki saatdır – bank kartından da nazikdir. Təsiredici dizayna malik bu saat, əsl mühəndislik inqilabının nəticəsidir. Onun texnologiyası səkkiz patentlə təsdiqlənib və “Cəsarətə görə” nominasiyasında Cenevrə Saatsazlıq Qran-prisinin mükafatına layiq görülüb.
10 dünya rekordu - “Octo Finissimo”
Saatın quruluşu heyrət doğurur. Arxa qapaq mexanizmin əsas bazası kimi istifadə olunur. Ənənəvi saat quraşdırma başlığı iki üfüqi çarxla əvəz edilib, qolbağın həlqələri isə minimal qalınlıq əldə etmək üçün yenidən işlənib. Korpus planetin ən möhkəm materiallarından biri olan volfram karbidindən hazırlanıb. Mexanizmin bütün elementləri dairəvi şəkildə yerləşdirilib, bu isə siferblata xüsusi qrafik ifadəlilik bəxş edir.
Canfrankonun sözlərinə görə, “Bvlgari” evini unikal edən əsas cəhət odur ki, burada yanaşma texnikadan deyil, dizayndan başlayır. Mühəndislər dizayndan ilham alır. Bu da evin imzası olan italyan fəlsəfəsini əks etdirir. Kolleksiyanın xarici görünüşünə saat dizaynı üzrə kreativ direktor – rəssam Fabrizio Buonamassa Stigliani cavabdehdir. O, eskizləri əl ilə çəkir və “Bvlgari” üçün doğma olan qədim Roma memarlığından ilhamlanır. Məhz onun sayəsində “Octo Finissimo” kolleksiyası öz tanınan və yığcam üslubuna qovuşub.
Bakıda qonaq olan nadir saat modeli – “OCTO FINISSIMO ULTRA”nın fotosu
Tədbirdə dəvətlilər arasında tanınmış tarixçi və Bakı bilicisi – həmin gün Canfrankonun həm də şəhər bələdçisi olmuş - Fuad Axundov və moda üzrə ekspert Ceyhun Əli də yer alırdı. Saatsazın sonuncu ilə saatların üslubu və müasir mədəniyyətdə dizaynın rolu barədə maraqlı bir söhbəti alındı. Axşam sadəcə bir təqdimat deyil, eyni zamanda, üsluba, mühəndislik sənətinə və ümumilikdə mədəniyyətə dəyər verən insanların görüşü oldu.
Bu, Canfranko Ritçelin Azərbaycana ilk səfəri idi və Bakı ona dərin təəssürat bağışladı — memarlığı, mühiti, tarixi, peşəkar mühiti və səmimi qonaqpərvərliyi ilə. Qonaq bakılıların saatsazlıq sənətinə marağından və burada üslub və dizayna göstərilən mədəni yanaşmadan heyranlığını gizlətmədi.
Qeyd edək ki, hazırda nadir “Octo Finissimo Ultra” modeli Azərbaycandadır və bu mühəndislik və dizayn möcüzəsini canlı şəkildə görmək istəyənlər üçün unikal fürsət mövcuddur. Saata Bakının Əziz Əliyev küçəsi 1A ünvanında yerləşən “Bvlgari” butikində baxmaq mümkündür. Bu, saatsazlıq sənayesinin rekordçusu ilə yaxından tanış olmaq və müasir zaman sənətinin estetikaya, innovasiyaya və texniki mükəmməlliyə necə qovuşduğunu görmək üçün nadir bir imkandır.
