Bakı. Trend:
Direktor vəzifəsində hazırda çalışan direktorlar üçün qiymətləndirmə nəticələri nəzərə alınmayacaq.
Trend xəbər verir ki, bunu Məktəbəqədər və Ümumi Təhsil üzrə Dövlət Agentliyinin İmtahan və qiymətləndirmə şöbəsinin müdiri Nurlan İsmayılbəyli Təhsil TV-nin canlı yayımında direktorların işə qəbulu ilə bağlı danışarkən deyib.
“Bizim direktor və direktor müavini namizədlərindən yeganə tələbimiz qiymətləndirilmələrinin yaxşı olmasıdır.
Yeni qaydalara uyğun olaraq 2 kateqoriya mövcud olacaq. Şagird sayı 500 nəfərədək olan və 500-dən çox olan məktəblər.
Direktor vəzifəsində hazırda çalışan direktorlar üçün qiymətləndirmə nəticələri nəzərə alınmayacaq. Biz düşünürük ki, şagird sayı çox olan məktəblərin direktor namizədlərindən tələblər daha yüksək olacaq. Müsahibə mərhələsində isə müxtəlif bacarıqlar üzrə yoxlama aparılacaq. Qiymətləndirmədən razı qalmayanlar üçün apelyasiya komisiyası fəaliyyət göstərərcək”,- o əlavə edib.