Bakı. Trend:
2025-ci ildə zal nəzarətçiləri bazasından 935 nəfər müxtəlif səbəblərlə çıxarılıb.
Trend xəbər verir ki, bunu Dövlət İmtahan Mərkəzinin Təşkilati-metodik təminat, təlimlər və regional bölmələrlə iş şöbəsinin müdiri Adıgözəl Həbibov imtahan rəhbərləri və zal nəzarətçilərinin fəaliyyətinin qiymətləndirilməsinə həsr olunan tədbirdə bildirib.
Onun sözlərinə görə, bunlardan 286 nəfərin bazadan çıxarılması birbaşa imtahanla bağlıdır:
İmtahanda iştirakdan dəfələrlə imtina etdiyinə görə — 346
Sosial məzuniyyətdə olduğuna görə — 122
Cari ildə keçirilən imtahanlarda ağır dərəcəli köçürməyə yol verdiyinə və köçürməyə şərait yaratdığı (sual kitabçalarının, cavab kartlarının dəyişdirilməsi, konspektdən istifadəyə göz yummaq və s.) imtahan rəhbəri tərəfindən müəyyənləşdirildiyinə görə — 159
Cavab kartını, cavab vərəqini, sual kitabçasını, yazı işi
vərəqini səhv verdiyinə görə — 14
İmtahan iştirakçısı imtahan zalından cavab kartını və ya cavab
vərəqini və ya yazı işi vərəqini çıxarıb — 10
İmtahan zalında imtahan rəhbəri tərəfindən telefon aşkarlandığına
və ya özü ilə imtahan binasına telefon keçirdiyinə görə — 6
İmtahan zalını idarə edə bilmədiyinə və imtahan zamanı
iştirakçılarla söhbət etdiyinə görə — 42
Sənədlərlə iş bacarığı və prosedur qaydalarına dair məlumatı zəif
olduğuna görə (cavab vərəqini sual kitabçası zərfinə qoymaq, cavab
vərəqini vaxtında təhvil almamaq, sual kitabçasını iştirakçıya
vaxtından əvvəl vermək, iştirakçını səhv yerdə əyləşdirmək,
iştirakçıları vaxtından əvvəl buraxmaq, imtahan zamanı zaldan
çıxmaq) — 16
Etik davranış qaydalarını pozduqlarına görə — 14
Nəzarətçi vəsiqəsini götürdüyü halda dəfələrlə imtahanlarda iştirak etmədiyi üçün — 25
Müqavilə bağlamadığına və ya müqaviləyə xitam verdiyinə görə — 23
İşdən çıxdığına və ya təqaüdə çıxdığına görə — 114
Digər səbəblərlə (səhhəti imkan vermir, vəfat edib, ölkə xaricindədir, hərbi xidmətdədir, ailə vəziyyəti imkan vermir, direktor təyin edildiyinə görə, dövlət qulluqçusu olduğuna görə) — 44 nəfər kənarlaşdırılıb.