Bakı. Trend:
Beşyaşlıların məktəbə hazırlığı artıq daha geniş müəssisələrdə həyata keçiriləcək.
Trend xəbər verir ki, bununla bağlı Baş nazir Əli Əsədov Qərar imzalayıb.
Yeni qərara əsasən, məktəbəqədər təhsil müəssisələri ilə yanaşı, ümumtəhsil məktəblərinin müvafiq strukturlarında, ailə şəraitində, qısamüddətli təlim qruplarında və məktəbdənkənar təhsil müəssisələrində də məktəbə hazırlıq prosesi aparılacaq.
Beləliklə bu yeniliklər uşaqların məktəbə hazırlığını daha çevik və effektiv şəkildə təşkil etməyə yönəlir. Dəyişikliklərin tətbiqi ilə bağlı müvafiq tədbirlər davam etdirilir.