Yunanıstan Naxçıvan Muxtar Respublikasının turizm potensialına maraq göstərir. Bu əməkdaşlığın perspektivləri Yunanıstanı Azərbaycandakı səfiri Temistokles Dimidisin NMR-ə səfəri zamanı öyrənilib. Bu barədə Trend ə Yunanıstanın Azərbaycandakı səfirliyindən məlumat verilib.
İkigünlük səfər zamanı diplomat NMR-in Ali Məclisinin sədri Vasif Talıbov, baş nazir, iqtisadi inkişaf, təhsil və mədəniyyət nazirləri ilə görüşüb. Görüşlər çərçivəsində yunan sərmayədarlarının NMR ilə əməkdaşlığa cəlb olunması imkanları müzakirə olunub.
Xatırladaq ki, bu, Azərbaycanda açılmasından bəri Yunanıstan diplomatik missiyası başçısının Naxçıvana birinci səfəridir. Görüşlərdə əməkdaşlığın prespektivləri, iqtisadi və humanitar sahələrdə birbaşa əlaqələrin qurulması imkanları da müzakirə mövzusu olub.
