Azərbaycan Ermənistanın işğalı altında olan ərazilərdə və ermənilərin yanğın törətdiyi yerlərdəki tarixi abidələrin qorunması üçün YUNESKO-ya müraciət edib. Bu barədə Trend ə Azərbaycanın YUNESKO-dakı səfiri Elionora Hüseynova xəbər verib.
Hirkan və Qobustan qoruqlarının YUNESKO-nun dünya irsinin qorunması siyahısına daxil edilməsi haqqında danışarkən, E.Hüseynova qeyd edib ki, bu məsələ texniki səbəblərə görə gecikir.
O həmçinin qeyd edib ki, gələcəkdə hələ Azərbaycan mədəniyyətinin digər abidələri də bu siyahıya daxil ediləcək. Bu məsələ komitələrin bu məsələlər üzrə növbəti sessiyasında gözdən keçiriləcək.