Azərbaycan, Bakı, 14 mart /Trend/
FİFA-nın açıqladığı reytinqdə Azərbaycan milli komandası 2 pillə irəliləyib.
Trend-in məlumatına görə, Berti Foqtsun rəhbərlik etdiyi Azərbaycan yığması hazırda 286 xalla 116-cı pillədə qərarlaşıb.
"DÇ-2014"dəki rəqiblərimizə gəldikdə isə yenə ən yaxşı göstərici Portuqaliya millisinindir. O, bir pillə geriləyərək 7-ci yerdədir.
Rəqiblərimizdən Rusiya yığması yerini qoruyaraq 10-cu yerdədir. İsrail 8 pillə geriləyərək 74-cü, Şimali İrlandiya 5 pillə irəliləyərək 367 xalla 97-cidir.
İlk üçlükdə İspaniya, Almaniya və Argentinanın milli yığmalarıdır.